Mihemed Husênzade welatijo kurd ê şarê Ûrmîye hetê hêzanê Întîzamî yê Komara Îslamî ya Îranî ra ame kiştene.
Goreyê raporo ke resayo Sazîya Heqê Merdiman ya Hengawî roja şemî 29ê adare 2025î de welatijo kurd ê bi nameyê Mihemed Husênzade Ûrmîye de rasterast bi guleyanê hêzanê hukmatî ameyo kiştene.
Ame zanayene ke hêzê Întîzamî bê ke agahî bidê welatijê kurdî erebeya ey daya gulleyan ver. Reyna ame zanayene ke nê hêzan şaristanokê Terzîlû yê Ûrmîye de bi şika ke “kelûpelê qaçaxî” erebeya Mihemed Husênzade de est ê, ey hedef girewto.
