Festîvalo ke bi wesîleya 4ê Nîsane roja rojbîyayîşê Rayberê Şarê Kurd Abdullah Ocalan ê 76. qezaya Xelfetî de yeno viraştiş roja diyine de domyeno.
Qezaya Xelfetî ya Riha de bi pêşengîya Platformê Sazîyê Demokratîke bi wesîleya 76. rojbîyayîşê Rayberê Şarê Kurd Abdullah Ocalan bi dirûşmeya “Bi Rayberîya Azad Ver Bi Komelo Demokratîk rê” festîvalê 4ê Nîsane yeno viraştiş. Welatijê ke serê sibayî ra warê festîvalî de kom bîyê û bi veng deyîr vatê û goveng gêrayê.
Bernameyê festîvalî do heta saetê nîmroje dewam biko û dima zî pêşengîya Têgêrayîşê Cinî yê Azade (TJA) de do ver bi dewa Amarayî ra bi awayêkî girseyî meşêk bêro viraştiş.
