Dewa Beşparmake ya qezaya Bêgirî ya Wanî de Şîrketê Petrolanê Tirkîya yê Anonîmî (TPAO) bi manayê xebatanê gêrayîşî petrolî dest da erdanê dewijan ê tapûkerdeyan ser o.
Yeno zanayene ke TPAO’yî ney ra verî zî herêmanê ke tede petrol çin o, zerarê pîlî dabi xoza û talan kerdbi. Dewa Beşparmake ya qezaya Bêgirî ya Wanî de eyn hedîse vejîyaye.
Qada şantîyeyî ya ke kîşta dewe de ameya awankerdene, sey herêma ewleyîya leşkerî ameya îlankerdene. Herême de seba leşkeran nuqteyî ameyê awankerdene û destûr nêyeno dayene ke dewijî nêzdîyê herême bibê.
Çarçewaya naye de bê agahî û destûrê dewijan ameyo ca, rayîrê dewijan û şîyayîş û ameyîşî înan ê seba zozanan ameyê astegkerdene.
Seba nê çîyî tu qet pereyî nêdîyayê dewijan û rayedarê dewlete zî bi vatişo ke “çimeyê binê erdî aîdê dewlete yê” hewl danê destsernayîşo ke yeno behskerdene, meşru bikê. Welatijê herême na hedîse sey “destsernayîş û talanê xoza” pênase kenê.
