Çalakîya KURDÎGEH’î ya bi nameyê “Konê Ziwanê Kurdkî” ke Parka Hunerî ya qezaya Rêya Armûşî ya Wanî de ameye viraştene, roja xo ya 4. de dewam kerd. Çalakîya ewroyî de Komela Aryen Hunerî nawitgehê resman akerd.
Çalakîya viraştişê “Konanê Ziwanê Kurdkî” ya Komela Averberdişê Kultur û Ziwanê Kurdkî (KURDÎGEH) ke Parka Hunerî ya Rêya Armûşî de ya, roja 4. de dewam kerd. Na çalakîya de ke çarçewaya 15ê Gulane Roşanê Ziwanê Kurdkî de ameye viraştene, ewro zî bi programanê cîya-cîyayan dewam kerd. Welatîyan eleqeyêko pîl seba konanê ziwanî mojna û mîyanê konan de goşdarîya deyîr û şîîranê Kurdkî kerd.
Komela Aryen Hunerî zî eyn ca de nawitgehê resman akerd û berhemê ke înan bi xo viraştê, mojnayê şarî. Berhemê Aryen Hunerî bala şarî ant û welatîyan bi keyfweşî resmî temaşe kerdê.
Siba, roja peyêne ya na çalakî ya.
