Rewşa weşîya Endamê Heyetê Îmralîyî Sirrî Sureyya Onderî giranîya xo pawena.
Endamê Heyetê Îmralîyî û Parlamenterê Partîya Têduştî û Demokrasîyî ya Şaran (DEM Partî) Sirrî Sureyya Onder vizêr saete 23.00î de Stanbol de seba krîzê qelbî ke vîyarnaye, bi ambulansî ey berd Nêweşxaneyê Florence Nightingale. Onder ke damara ey a aortê ya bingeyîne de dirîyayîşêko seranser qewimîyayo, bi ey girewto emelîyatî.
Operasyono ke seba dirîyayîşê damara bingeyîne ameyo kerdene, heta serê sibayî saete 07.00î dewam kerd. Onder ke yew wext reyna operasyonî de ameyo tepîştene, ame îfadekerdiş ke wextêko kilmî ra ver ey girewto odeya pawitişê awarte. Ame dîyarkedene ke ke rewşa weşîya Onderî giranîya xo pawena û hetkarîya ke cîhazan ra yena girewtene, dewam kena.
DEM Partî ra Huda Kaya parekerdişê hesabê xo yê medyaya dîjîtale de dîyar kerd ke Sirrî Sureyya Onder reyna ameliyatxane ra vejîyayo û cihazan ra hetkarî gêno û ey girewto odeya pawitişê awarte.
