Dr. Paul Bîlbao Sarrîa dîyar kerd ke kurdkî zî sey Baskkî marûzê prosesî kêmnetewekerdişî mendo. Sarrîa dîyar kerd ke ganî demê pevînayîşî de statuyê kurdkî bibo rojev û kurdkî bi fermî bêro şinasnayîş.
Şûbeyanê Sendîkaya Kedkaranê Zanîst û Perwerdeyî (Egîtîm Sen) yê Amedî bi sernameyê “Perwerdeyê bi ziwanê dayîke de ver bi çareserîye rê: Îmkananê Est ê, Astengî, Pêşnîyazî” Çand Amed de komxebatêk viraşt. Ziwanzan, akademîsyen, roşnvîrî zî mîyan de zaf temsîlkarê sazîyê sivîlî û partîyê sîyasî beşdarî komxebate bîyê. Dr. Paul Bîlbao Sarrîa zî beşdarê komxebate bî û bi sernameyî “Tecrubeyê Herêma Xoserî ya Baskî ya Spanyayî” pêşkêşîyêk kerd.
Dr. Paul Bîlbao Sarrîa rewşa kurdkî ser o ajansê MA /Ajansa Mezopotamya) rê qisey kerd.
Dr. Paul Bîlbao Sarrîa va ke Herêma Xosere ya Baskî de domanî bi baskkî perwerde gênê û wina va: “Demo ke domanî çi heyf o ke vejîyenê kuçeyan ya spanyolkî yan zî fransizkî qisey kenê. Çimkî domanî bêmabên televîzyon temaşe kenê. Çi heyf o ke weşangerîya baskkî tepa menda, Herêma Baskî de spankî ziwano ke tesîrker o. Ma herêma xo de înan sîstemê xo awan kerdo. No sîstem ra zî ma vat “Ikastolak.” No sîstemê ma zaf weş aver şono. Herême de 115 merkezê ma est ê û 55 hezarî ra zafêr wendekarê ma est ê. Kitabanê xo yê dersî ma xo bi xo virazenê, merkezê pedagojî û kulturî de baskkî tesîrker a.”
Awankerdişê sîstemî de rolê STK’yan
Sarrîa dîyar kerd ke awankerdişê pergalî de rolê STK’yan zaf bi avzel o û wina domna: “Tewr avzel wayîrîya STK’yî ya ke bi hêz a. Karê ke sazîyê dewlete nêeşkenî bikerê do wa STK’yî. Herêma Baskî ya ke binê kontrolê Dewleta Fransa de ya, uca de qet statuyêk çin o. No ser o zî şinasnayîşê baskkî çin o. Neteweyê Yewbîyayeyî di reyî Dewleta Fransa şermezar kerd. Dinya de di dewletî kêmneteweyan red kenê: Yew Tirkîya yew zî Fransa ya. Şermezarkerdişê Neteweyê Yewbîyayeyî a dewleta Fransa zaf avzel bî. Çimkî nêzdîbîyayîşê xo yê vera dewleta Fransa nîşan dano.”
Zilmo vera ziwanî
Sarrîa dîyar kerd ke kurdkî zî sey baskkî marûzê prosesê kêmnetewekerdişî mendo û wina qedêna: “Çi heyf o ke her di ziwanî zî marûzê kêmnetewekerdişî mendî la heto bînî ra komelê ma wayîrê hêzî yo. No ser o ra zî ziwanê ma aver şîyo. Ganî demê pevînayîşî de statuyê kurdkî bibo rojev û kurdkî bi fermî bêro şinasnayîş.”
