Prof. Giovanni Russo Spenayî ard ziwan ke felsefeya Rayberê Şarê Kurd Abdullah Ocalanî semedê heme dinya alternatîf o û vat: “ Bi azadîya Ocalanî ma eşkenê aştîye bîvînê.”
Paytextê Îtalya Roma de 11-12ê sibate de Konferansê ‘Ocalanî rê Azadîye, Meseleya Kurdan rê Çareserîye’ ame kerdene. 16 welatan ra 300yî ra zafêr kesî tewrê konferansî bîyî.Huqûqnas, Profesor Giovanni Russo Spenayo ke tewrê konferansî bi cewab da persanê ANF’yî.
Spenayî nê vatî: ”Felsefeya Konfederalîzmê Demokratîkî de aştîye, seyyewbînîye û paştdayîş est o. Nê prosesî de ke heme dinya şer wazena Abdullah Ocalan aştîye wazeno. Coka teorîyê ey semedê heme dinya muhîm ê. Konfederalîzmo Demokratîk semedê heme dinya alternatîfêk o. No têna semedê mîlîtanan nê, eynî wextî de semedê demokratan, kesanê ke aştîye wazenê zî zaf muhîm o.
Ocalan eşkeno rolo krîtîk kay bikero. Nika mabênê otokrasîya Erdoganî û demokrasîyî de şerêk est o. Merdimî semedê pawitişê heqanê xo nika kuçeyan de yê. Ma parçeyêkê nê merdimanê ke kuçeyan de yê. Eynî wextî nê çalakîyî hem semedê Ocalanî hem zî semedê şarê kurdî muhîm ê. Ocalan semedê aştîye veng dano, belka bi azadîya ey ma eşkenê aştîye bivînê.”
