‘Muzîkê bluesî de gêrayîşê azadîye est o’

Muzîkê bluesî tewirêkê muzîkê Afrîka yo. Pêvajoyê ke afrîkayijan karkerîya merdimê çerm sipî kerdêne de der û kulanê xo, dejê xo û hêvîyanê xo û peynî zî estanikanê serehanayîşê xo bi şêweya bluesî anenî ziwan. Bi kilmî ma eşkenî vajî ke dej û zilmê ser reşikan toximê Muzîkê bluesî eştî.

Bi bluesî ser dejanê reşikan şîn beno û serra 1865î de demo ke pergalê koletîye mîyanê reşikan de yeno hewanayîş, nê tewirê muzîkî hema vajo pêroyîya dinya ra vila beno. Demê ma balê xo danî muzîkê kurdkî zî êdî nê tewirê rojawanî yê sey rock, metal, punk, jazz û bluesî zî nê 20-30 demê peynî de vila bîyê. Bi xususî mîyanê kurdan de komê sey Koma Wetan, Tîp-î Xanzad, Zanko Silêmanî û dima zî bi Ciwan Haco, Koma Rewşen, Siya Şevê, Ferec û sewbî.

Ma Ferît Sevîmî reyde ser Bluesê Kurdkî û kar û xebatanê ke dayo verê xo û her wina ser “Muzîkê Kurdkî yê Şaristanî” qise kerdê.

Deyîrbaz Ferît Sevîm derheqê muzîkê kurdkî û şêweya bluesî dîyar kerd ke binestî û bêstatubîyayîşê kurdan hema zî nê mumkin o ke ma deyranê heskerdişî yê kêfî û sewbî, şert û mercê ewroyin de virazî û wina vano: “Mîyanê wina zengînîya dinya de demo ke hema zî merdim û şaranê bindest bibî, bêguman na yew zî zorê mi şono. Bêguman tesîrê mêtingerîye ser muzîkê kurdan û şaranê bindestî ra est o. War me kesê ke bi şêweyanê rojawanî muzîkê xo îcra kenî rê girewteyî yo. Muzîkê bluesî de gêrayîşê azadîye est o.”