Yew videoya nuştox, ziwanzan û cigêrayox M. Malmîsanijî platformanê Zazakî Newsî ra vila bibî.
Vîdeo ke serra 1988î de yew televîzyonê Îsweçî de ameybî antiş de Malmîsanij yew şîîrê bi nameyê “Pîran waneno.
Na video heta nika platfomanê Zazakî Newsî de resa 70 hezar kesan û 210 kesan hesabanê xo de vila kerd.
Heskerdoxê Zazakî û Malmîsanijî hem pê wendişê şîîrê hem zî halê Malmîsanijî yê ciwantîye ver zaf keyfweş bîyî. Goreyo ke texmîn beno bi na video, reya verêne yew televizyon de zazakî vajîyaya.
Malmîsanijî derheqê antişê vîdeoyî de û hîkayeya ci de nê malumatî dayî Zazakî Newsî:
Malmisanij: “Stockholm de yew şewa mexsusê kurdan tertîb bî. Çend grûbanê kurdan kay (folklor) kerd. Çend hunermendan sey Nasir Rezazî deyîrî vatî. Min û Mueyed Teyîbî ma şîîrî wendî. Mueyed Başûr ra yo. Dima uca bî parlamenter. A şîîre mi hîna verî nuştibî. Serewedaritişê 1925î ser o ya. Ma zanî ke serewedatiş Pîran de dest pêkerdbi.”
