Heyetê Hembeşî yê DBP-DEM Partî seba beşdarbîyayîşê Konferansê Nêzdîbîyayîş û Yewîyeya Kurdistanê Rojawanî, şaristanê Qamişlo de bi Fermandarê QSD’î Mazlum Ebdî ra kom bî.
Heyetê Hembeşî yê DBP-DEM Partî ke seba beşdarbîyayîşê Konferansê Nêzdîbîyayîş û Yewîyeya Kurdistanê Rojawanî, Sûrîyeya Rojhilat û Bakûrî ame viraştiş, herême ra ameybî, bi Fermandarê Pêroyî yê Hêzanê Sûrîyeya Demokratîkan (QSD) Mazlum Ebdî ra kom bî.
Pêvînayîş de rewşa peynî ya sîyasî Sûrîye û Tirkîya de û her wina pêvajoya çareserî ya ser daraxê herême ameyî ercnayîş. Her wina kombîyayîş de, ser avzelîya dîyalogê sîyasî ya herême de, lazimîya yewîya mabenê kurdan de û averberdişê persfektîfêkê çareserîya demokratîke, ercnayîşê xo pare kerdî. Kombîyayîş de her wina destnîşan kerdê ke konferans seba awankerdişê nêzdîbîyayîşêkê sîyasî hembar û yewîyêka stratejîkî seba ameyoxî mabenê kurdan de îmkanêko tarîxî yo.
