Serekê KESK’î yê Pêroyî Ahmet Karagoz eşkera kerd ke ê cografyaya welatijîya seyyewbînîye wazenê û wazenî ke bi ziwanê dayîke perwerde bêro dayene.
Bi pêşengîya DÎSK, TMMOB, Odeya Tabîban a Amedî, Meydanê Îstasyonî de mîtîngê 1ê Gulane yeno viraştiş. Mîtîngê 1ê Gulane yê Amedî, bi sloganî “Ma seba azadîya kede û komelo demokratîkî 1ê Gulane de meydanan de yê” dest pêkerd.
Hemserekê DEM Partî yê Pêroyî Tuncer Bakirhan, Serekê KESK’î yê Pêroyî Ahmet Kargoz, parlamenterê şaristanî, partîyê sîyasî û rêxistinê STK’yî û bi hezaran kedkarî beşdarê mîtîngî bîyê. Girse bi girse kortejan reyde kedkarî herikîyayê meydanê mîtîngî. Mîtîng do bi qise û deyîran dewam bikero.Mîtîngî ra Hemserekê Pêroyî yê DEM Partî Tuncer Bakirhan, Serekê Pêroyî yê KESK’î Ahmet Kargoz, wekîlanê şaristanî, partîyê sîyasî û rêxistinê STK’î û bi hezaran kedkarî beşdar bîyê. Girse bi girse kortejan reyde kedkarî meydanê mîtîngî ra herikîyayê û bêmaben siloganê “Bijî yek Gûlan”, “Bijî berxwedana kedkeran”, “Jin, jiyan, azadî”, “Be serok jiyan nabe”, “Bijî serok Apo” vatî û hewna girse pîya marşê “Çerxa Şoreşê” wend.
Mîtîng bi rêzgirewtişî dest pêkerd. Hemsereka Sendîkaya DÎSK-Genel Îşî Sabahat Sever qiseykerdişê xo de va ke çi heyf o ke tena keda ma nê, çîyêkê ma nêyeno şinasnayîş û wina domna: “No sîstem, sîstemêko xirab o. Demokrasî keda karkerî ya. Nê sîstemî de çew qezenc nêkeno. Ma seba azadîya kede û komelo demokratîk meydanan de yê. Heq nêyeno dayîş, bi têkoşînî yeno girewtiş.”
Endamê MYK’yî yê TTB’yî Mehmet Şerîf Demîr girse silam kerd û dima zî Serekê KESK’î yê Pêroyî Ahmet Karagoz dîyar kerd ke no kursî, kursîyê kedkar, karker, şaranê bindestan o û wina domna: “Çi heyf o ke nika orte de ti azadîyêk nêmenda. Ma qatî destûr nêdî ke wa aştî bêra taloqkerdiş. Ma soz danê ke çi keweno milê ma ser o ma do bikerê. Ma cografyaya welatijîya seyyewbînîye wazenê, ma wazenî bi ziwanê dayîke perwerde bêro dayene.”
Dima zî Hunermend Kasim Taşdogan vejîya sehne girewt.
