Hemsereka Pêroyî ya DBP’î Çîgdem Kiliçgun Uçar aşkera kerd ke vengdayîşê Birêz Ocalanî seba şar, kedkar, cinî û ciwanan o û wina va: “Ma weş zanenî ke Birêz Ocalan tena eşkeno no şer bido vindertiş.”
Wan de 1ê Gulane pêşengîya DÎSK, KESK, Odeyê Wan û Colemêrgî, Odeya Doktoranê Dindanan û TMMOB’î de mîtîng yeno kerdene. Mîtîngî ra ver bi hezaran kedkarî vernîya AVM’ya Gunpaşî de kom bîyê û bêmaben siloganê “Biciwîyo 1ê Gulane”, “Kede yê ma ya, vatiş yê ma yo”, “Do KHK’yî şêrê, ma bimanî” vatî û dima zî ver bi Parka Musa Anterî rayra şîyê.
Verê kortejî de zî endamanê MKG û DFG’yî ca girewt. Rojnamegeran pankartê “Çapemenîya Azade, Komelo Demokratîk” akerd. Mîtîng de Hemsereka Pêroyî ya DBP’î Çîgdem Kiliçgun Uçar qise kerd.
Çîgdem Kiliçgun Uçar va ke welato ke tewro zaf kedwerîye yeno kerdiş Tirkîya yo û wina va: “Merdimî ewta de vêşanîyêka gird cuyenê, welatijan mehkûmê 22 hezar lîreyan ameyî kerdiş. Seba ke ekonomîya welatî şerî ra yeno xerckerdiş. Semede wina krîzan, polîtîkayê şerî yê. Şer pêroyîya cuya ma tesîr kena.”
Vengdayîşê Ocalanî her kesî ra yo
Çîgdem Kiliçgun Uçar aşkera kerd ke vengdayîşê Birêz Ocalanî seba şar, kedkar, cinî û ciwanan o û wina domna: “Ma weş zanenî ke tena Birêz Ocalan eşkeno no şer bido vindertiş. Gelo eke şima tehemulîya wêneyê Birêz Ocalanî nêkerê, şima senî qise bikerê û ma do senî aştîye bikerê? Her çend şima destûrî nêdî pankart bikewo meydan zî têkoşînê Birêz Ocalanî her tim zerrîya şarî de yo. Ganî ma veng û têkoşînê xo bikerî yew û welatêko demokratîk awan bikê. Ez 1ê Gulane Birêz Ocalan û embazê ci pîroz kena.”
