Organîzasyonê Rojnamegeranê Sînor Nênas endeksê serê 2025î yê rewşa çapemenîye weşana.
Goreyê Endeksê Azadîya Çapemenîye ya Dinya ke hetê Organîzasyonê Rojnamegeranê Sînor Nênas (RSF) ra ameyo eşkerekerdene, mîyanê 180 welatan de, hîrê çarinanê înan de medya û rojnamegerî ‘biproblem’, ‘zehmet’ yan zî ‘zaf cidî’ ra yew ê.
RSF ke merkezê ci Parîs de yo, dîyar kerd ke ‘reya verên o’ ke asta mîyanneteweyî de rewşe hende ‘zehmete’ bena û bi nimûnedayîşê Dewletanê Yewbîyayeyan yê Amerîka (DYA) îfade kerd ke astengîyê ekonomîkî zêde bîyê.
Norwêç 9 serrî yo o rêza verêne de bî. DYA di rêzan ameye cêr û badê Sierra Leone kewte rêza 57. Tirkîya zî çarêka peyêne de 2 rêzî kêmî kerdî û ameye rêza 159.
Endeksê Azadîya Çapemenîye ya Dinya de welatê Eritre, Koreya Bakur û Çîn rêzanê tewr peyênan de yê.
