DFG’î raporê binpêkerdişê heqan ê aşma nîsane weşan kerd. Rapor de ame vatiş ke rojnemgerî nê sûc o ke dariznayîşê ci sûc bibo! Bê çapemenîya zad behsê komelê azade û demokratîkî nêeşkîyeno bêro kerdiş.
DFG’î raporê binpêkerdişê heqan ê aşma nîsane ser hesabê xo yê X’î pare kerd.
Raporê DFG’î wina yo:
“Ma rayêka bîn 3ê Gulana Roja Azadîya Çapemenî ya Dinya, dorûverê zextî ser rojnamgeran de pêşwazî kenê. Astengî demê teqîpkerdişê xeberan de hetî sansurî, seba rojnamegeran seba ke xebere ra yenî dariznayîş hetî rojnamegerî ra operasyonê ser sibayî de ameyî desbendkerdiş, xeleka zextan zêde beno. Goreyê Rojnamegerê Sînornênasî (RSF) yê “Endeksê Azadîya Çapemenîya Dinya” Tirkîya kategorîya ‘Xeternak’ de ca gêna. Tirkîya mabenê 180 welatan de rêza 159. de ca gêna. Tirkîya ke serra 2024î de rêza 158. ca girewt, serra 2025î de rêzêke kewt. Goreyê raporî, Tirkîya seba şert û mercê nêbaşî yê daraxê neteweyî de hewna kewta û kategorîya ‘Zaf xeternak’ de menda.
Aşma nîsane de, sansûr hewna bêmaben verdewam kerd. Aşma nîsane de 172 hesabê medyaya dîjîtalî, xoresnayîşî ra ameyî girewtiş û 4 sîteyê înternetî zî ameyî astengkerdiş. 3ê Gulana Roja Azadîya Çapemenî ya Dinya de ma rayêka bîn nê waştişê xo dibare kenê; wa heme embazê ma yê hepsî bêrê serbestveradayîş. Rojnemgerî nê sûc o ke dariznayîşê ci sûc bibo! Bê çapemenîya azade behsê komelê azade û demokratîkî nêeşkîyeno bêro kerdiş.”
