Endamê Heyetê Îmraliyî yê DEM Partî Sirri Sureyya Ondero ke rehmet kerd, seba ey şaristanê Vakur û Rojhelatê Sûrîye Qamişlo de tezîye ameye ronayene.
Endamê heyetê Îmraliyî yê Partîya Têduştî û Demokrasîyî ya Şaran (DEM Partî) Sirri Sureyya Ondero ke rehmet kerd, seba ey şaristanê Vakur û Rojhelatê Sûrîye Qamişlo de çadira tezîyeyî ameye ronayene. Çadira tezîyeyî ke bi pêşengîya Meclîsê Dayîkanê Şehîdan de hemverê Stadyuma 12 Adare de ameye ronayene, xeylê kesan zîyaret kerd. Rayberîya Xosere, Tevgerê Komelî yê Demokratîk (TEV-DEM), Kongra Star, Alîmê Dînî, kultur, huner, kedkarê sînemayî û xeylê welatijan çadira tezîyeyî zîyaret kerd. Vernîya çadire de fotografê Sirri Sureyya Onder û Rayberê Şarê Kurdî Abdullah Ocalanî ame leqnayene. Zereyê çadirî de pankartî ke ser o nuşteyî “Şehîdê aştî û demokrasîyî” est bi, ameyê leqnayene.
Meclîsê Dayîkanê Şehîdan bi slogananê “Şehîd namirin” , “Bi can bi xwîn em bi te re ne ey şehîd” ver bi çadire rayra şîyê. Tezîye de mesajê Rayberê Şarê Kurdî Abdullah Ocalanî ke seba Sirri Sureyya Onderî erşwitbi, bi kurmancî û erebkî ame wendene. Bi hewayêko girseyî şarê şaristanî tezîyeyî zîyaret keno.
