Fabian Molinayî ard ziwan ke Rayber Apo têna semedê Tirkîya nê semedê pêro herême firsetê haştîye teqdîm kerd û vat, “Vengdayîşê 27ê sibate dewlete tirke û komelê mîyanneteweyîyî rê berpirsîyarîye bar keno. Gerek Birêz Ocalan cade bibo azad.”
Wekîlê Partlamentoyê Federalî yê Swîsre û Fabian Molinayî vengdayîşê Rayberê Şarê Kurdî Abdullah Ocalanî û averşîyayîşê pabesteyê ci ANF’yî rê erjna.
Parlamenter Fabian Molinayî vengdayîşê Rayberê Şarê Kurdî Abdullah Ocalanî sey firsetêkê muhîmî name kerd û nê vatî: ”Vengdayîşo wina tarîxî gerek bêro cewabkerdene. Birêz Ocalan xelêk wexto şertanê zoran de yo ke bi nê şertan heqê merdiman ê bingeyî yenê binpaykerdene. Na rewşe hetê dezgehanê cîya cîyan ê mîyanneteweyîyî ra zî ardîyaye ziwan. Ocalan semedê çareserîya meseleya kurdan de heta naye ra wetêr rolo gird kay keno. Coka gerek Birêz Ocalan cade serbest bêro veradayene. Ma zanê ke meseleyêka sîyasîye bi metodanê zextî nîna çareserkerdene. Nê semedî ra dewleta tirke gerek hinî na mesele bi hewayêkê mendeyî çareser bikero.
Eke dewleta tirke nê firsetî buşuxilno, no ci rê feyde keno. No firsetêko tarîxî yo û gerek hinî bêro erjnayene. Gerek Birêz Ocalan cade serbest bêro verdayene ke bieşke rehet bigurîyo. Vengdayîşê 27ê sibate dewlete tirke û komelê mîyanneteweyîyî rê berpirsîyarîye bare keno. Gerek şiro Tirkîya ser ke goreyê Pêkerdişê Heqanê Merdiman ê Ewropa têbigêro. Vengdayîşî ra dima gerek qedexeyê vera PKK’yî yê bêro wedaritene. Xora PKK Swîsre de sey rêxistina terorî nîna qebulkerdene. Nê semedî ra Swîsre eşkena paştî bido muzakereyanê haştîye yê Tirkîya.”
