Beşê Çapemenîya DEM Partî îdiaya suîkastî ya vera Sirri Sureyya Onderî dîyar kerd ke 2ê Nîsane de erebeyê Onderî de mekanîzmaya suîkastî vejîyaya. Înan zî agahî daya cayanê fermîyan la heta nika agahîyêk nêameya înan rê.
Beşê Çapemenîya DEM Partî îdiaya suîkastî ya vera Sirri Sureyya Onderî ser o beyanatêko nuştekî pare kerd.
Beyanat wina yo:
“Tay organanê çapemenî û weşanan de yeno vatiş ke verba Endamê Heyetî Îmraliyî û Serekwekîlê ma yê Meclîsî Sirri Sureyya Onderî de suîkast ameyo kerdiş. Ma mecbur mendî ke beyanatêk bidî. 2ê nîsane de Sirri Sureyya Onder demo ke erebeyê xo ramitêne, erebeyê ci ra vengêk yeno, o zî seba ci erebeya xo beno servîsê erebeyî. Uca de zî xebatkarêk ci rê vano; erebeyê to de mekanîzmaya suîkatî est a. Onder zî na mesela ma rê resnaye û dima zî ma zî delîlî erşawitî cayo fermî . Heta nika ma rê cayê fermî ra agahîyêk nêameye.”
