Hepsê nêweşî Adnan Yilçin ê 29 serrî hepsî yo û nêweşîya kanseri ci ra vejîyayo, Hepisxaneyê Dîlokî de yeno maneno. Dima 34 serran dozêka newe heqê Adnan Yalçinî de ame akerdiş. Adnan Yalçin destnîşan kerd ke seba veradayîşê ci derg bikerê doz ame akerdiş.
Goreyê raporê Komeleya Heqê Merdiman (ÎHD) ê newe hepisxaneyê Kurdistanê Bakûrî û Tirkîya de 335 ci rewşa înan giran bi pêroyî tewr kêm hezar û 412 hepsîyê nêweşî est ê. Hepsîyê nêweşî, her çend nêweşîyanê înan giran ê û raporanê înan ê “nêeşkenî hepisxane de bimanî” est ê zî nîno veradayîş û zaf înan hepisxanayan de cuya xo dest dayê. Yew zî înan ra hepsîyê nêweşî zî Adnan Yalçin (64) o.
Dadgeha Ewleyî ya Dewlete (DGM) serra 1996î de bi îdiaya “endamîya rêxistine” û “xerakerdişê yewî û yewgirewtişê dewlete” cezaya muebedê giran Adnan Yalçinî ra birna. Adnan Yalçin ê serra 1996î de Mersîn de ame girewtiş û o erşawitê Hepisxaneyê Tîpa E ya Konyayî.
Adnan Yalçin serrêk Konya de mendo û dima zî o surgunî Hepisxaneyê Kurkçlerî yê Edeneyî kerdî. Dima 4 serran ewta de maneno, bi dorê surgunî Hepisxaneyanê Nevşehîr, Mereş, Dîlok, Ceyhanî yê Edeneyî, Semsûr, Çewlîg û Amedî ameyo kerdiş û uca de zî serra 2016î de surgunî Dîlokî ameyo kerdiş. Yalçin ke nika Hepisxaneyê Tîpa H’î ya Dîlokî de yo, 29 serrî hepisxane de xeylî nêweşî ci ra vejîyayî.
‘Seba ke mi veranêdê na doz ameya akerdiş’
Veya hepsê nêweşî Adnan Yalçin, Nurcan Yalçine ke 6ê Gulane de bi kekê xo ra pêvînayîş kerd, derheqê rewşa ci ser o qise kerd û wina va: “Demê peynî de hepisxaneyan de zext û zorî est ê, înfazê hepsîyan yenî veşnayîş. Hepisxnayanê ke 30 serran yenî girewtiş bi baxaneyê cîya bi cîya cezayê înan ê hepisxaneyî yenî dergkerdiş û hetanî 32-33 serran hepisxaneyan de yenî girewtiş. Serrêk û nêm cezayê hepisxaneyî yê keke mi mendo la bi baxaneyê ke na ceza bêra dergkerdiş doz akerdî. Ez tewr peynî nê hewteyî şîya pêvînayîşê mi bi kekê xo ra pêvînayîş pê ard. Mi ra va ‘Nê hewteyî mi ra dozêk ameya akerdiş, 34 serrî verê ser mi nasnameyêko sexte ameybî girewtiş, seba ci zî ceza mi ra ameyo dayîş kêm menda, sebake mi veranêdê na doz ameya akerdiş. Ez vejîyaya verê dozgerî zî mi va 34 serrî bi ser derbas bîya, hewceyo ke sey demvîyarte bêro ercnayîş û na dosya nêameybî verê mi’ la çi heyfo ke Tirkîya de rewşa hepisxaneyan bi nê awayî ya.”
‘Wa hepsîyê nêweşî lezûbez bêrê veradayîş’
Nurcan Yalçine destnîşan kerd ke her roj zext ser hepsîyê sîyasî zêde benî û wina domna: “Çiqas hepsîyê nêweşî nînî veradayîş û zafêr cezayê înan yenî zêdekerdiş, înfazanê înan yenî veşnayîş, ma zî sey keye vanê; nê hepsîyê nêweşî yê û wa lezûbez hepisxaneyî ra bêrê veradayîş. Wa hepsîyê nêweşî bi nê baxaneyan, serranê dergi hepisxaneyan de nêmanî. Şima zanenî Tirkîya de rewşa hepsê nêweşî daraxê xeterî de yo. Her serre zî bi desan cenazeyanê hepsîyan hepisxaneyan ra vejîyenî, na pêvajoya ke nika yena averberdiş de zî waştişê sereke veradayîşê hepsîyê nêweşî yo. No ser bi lezî bêrê veradayîş.”
Tedawî nînî kerdiş
Nurcan Yalçine da zanayîş ke xeylî nêweşîyê kekê ci de est ê û wina qedîna: “Verê hepatîya ci, fitika ci yê mîyaneyî estbî û bi gopalî gêraynî. Demê sewqê xo seba nêweşxaneyê wazenî rayan peynî 3 aşamî rayna 3 aşmî rayna zî peynî 6 aşman verpers danî. Seba tedawî nînî kerdiş, nika reşwa nêweşîya ci, çi daraxî de yo ma nêzanenî. Politikaya surgunkerdişî hem zexteyêkî ser hepsîyan hem zî ya ser keyeyan o. Şerêko psîkolojîk yeno averberdiş. No ser zî ma wazenî nê surgunkerdişê hepsîyan bêrê vindernayîş û no seba keyeyan îşkenceyêk o.”
