Hemserekê KONGRA-GEL Remzî Kartal dîyar kerd ke Rayberê Şarê Kurdî Abdullah Ocalan û embazê ey ê ke Îmrali de yê bi rayîrê telekonferansî perspektîf da Kongreya 12. ya PKK’yî û vat: “Vîdeoyê Rayber Apoyî kongre de ameyê temaşekerdene.”
PKK’yî ewro dîyar kerd ke înan Kongreya xo ya 12. mabênê tarîxanê 5-7ê gulane de bi hewayêko serkewte organîze kerda. Ame dîyarkerdene ke do tedeyîyê kongreyî rojanê vernîya ma de raya pêroyî reyde pare bikerê. Hemserekê KONGRA-GEL Remzî Kartal beşdarê programê Rojevî yê Stêrk TV’yî bi û derheqê organîzekerdişê Kongreya PKK’yî ya 12. de agahîyê muhîmî dayê.
Hemserekê KONGRA-GEL Remzî Kartal vat: “Rayber Apo û embazê ey ê ke Îmrali de yê bi rayîrê telekonferansî perspektîf da kongreyî. Reyna vîdeoyî Rayber Apoyî kongre de ameyê temaşekerdene.”
