Sîyasetmedara kurde Leyla Zana badê pêhesnayîşê kongreya PKK’yî hesabê xo yê X’î ra mesajêk pare kerd û vat dewro newe her kesî rê berpirsîyarîye bare keno.
Bado ke PKK’yî eşkera kerd ke kongreya xo kerda, Leyla Zana hesabê medyaya dîjîtale X’î ser o eşkerayî daye.
Leyla Zana vat: “Dewro newe, hêvîyê neweyî, tewirê têkoşînê neweyî ma perûnan rê berpirsîyarîyan bare keno. Gerek ma bi nê zanayîşî nêzdîyê sibayanê demokratîk û azadan bibê. Bi nê hîsan û fîkran ez temenî kena ke cografyaya ma rê xeyrên bo.”
