Salona Konferansî ya Şaredarîya Pîranî de 18ê Gulane 2025î saete 14:00 de belgefîlmê “Mamostayo Bêmamosta” ke derheqê cuye û xebatanê Mamosta Malmîsanijî de yo do bêro nîşandayene. Belgefîlmî ra dima derheqê kird û ziwanê kurdkî de do bêro terraqnayene.
Şûbeyê Amedî yê Egîtîm Senî no program organîze kerdo. Mamosta Malmîsanij bi xo zî do beşdarê nê programî bibo û do derheqê xebatanê xo yê ziwan û tarîxî de malumatanê taybetîyan bido.
Nê programî de xebatê Malmîsanijî ke derheqê lehçe, dîyalekt û edebîyatê kurdkî de yê, tehlîlê rolê ey ê averşîyayîşê ziwanê nuştekî yê kurdkî, do bêrê munaqeşakerdene.
Malmîsanij, nuştox û cigêrayoxo namdar o ke xebatanê ey raywanîya kirmanckî (zazakî) û kurmancî kerda, bi nê belgefîlmî û terraqe do mîrasê xebatanê ey hîna baş bêro fehmkerdene.
Eleqedar û heskerdoxanê ziwanî rê yeno vengdayene ke beşdarê nê falîyetî bibê.
