TJAyî reaksîyon vera hêrîşê çeteyê SMOyî yê hemverê Vakur û Rojhelatê Sûrîye û hedefgirewtişê cinîyan de da û semedê Sûrîyeyêka demokratîke, têduşt û azade vengê têkoşîn û pêgirewtişê cinîyan kerd
Têgêrayîşê Cinîyanê Azadan (TJA) derheqê desteştiş, kiştiş û remnayîşê cinîyan hetê Artêşa Netewî ya Sûrîye (SMO) ya girêdayeyê Tirkîya ya, beyanatêk da. Beyanatî de ame dîyarkerdiş ke Şerê Dinya yê 3ine Rojhelatê Mîyanên de dewam keno û polîtîkaya şerî de prosesêk newe ameyo destpêkerdiş.
Goreyê xebara Jinnewsî TJAyî beyanatî de wina vat, “SMO û yê ke destek danê ci, do nêeşkê vernîya cinîyanê azadan û demokratîke pado. Ma do her tim têkoşînê cinî bipawê. Ma têkoşînê cinîyanê pêro şarê Sûrîye ke hemverê rejîmê Esadî, çeteyê cîhadî û îqtîdarê ke semedê berjewendîyê xo Rojhelatê Mîyanên ra antî mîyanê şerî, kuçeyan, barîkatan, zindanan û keyeyan de bi rêxistin kerdî, xo ver dayî, silam kenê. Ma pêro cinîyan xoverdayîşê xoîdarekerdişî de dinyaya xo bedelnayî, bi rêzdarî yad kenê.”
