Şaristanê Kobanî de bi amancê piştîdayîşê YPJ’yî konserêk ame vişartiş. Grûbê Têgêrayîşê Hîlala Zêrîn û Merkezê Baqî Xido bi deyîranê xo û kesê ke beşdarê konserî bîyî zî bi slogananê xo piştî dayê YPJ’yî.
Kampanyaya ‘Ma pêro YPJ yê, YPJ estbîyayîşê ma yo’ ke 26ê nîsane de hetê Platformê Çalakîyanê Hempar ê Rêxistine û Têgêrayîşê Cinîyan ê Rojava ra ameybi dest pêkerdiş, dewam kenê.
Çarçewaya kampanya de ‘Ma pêro YPJ yê, YPJ estbîyayîşê ma yo’ de Têgêrayîşê Hîlala Zêrîn
bi hemkarîya Merkezê Kultur û Hunerî ya Baqî Xido yê şaristanê Kobanî konserêk viraşt. Konser Merkezê Baqî Xido de bi hedrebîyayîşê şarê û şervananê YPJ’yî virazîya.
Konser bi rêzgirewtişî dest pêkerd. Dima ra fermandara YPJ’yî Dilbirîn Kobanî qisey kerd û wina vat: “Ma şarê xo yê birûmetî silam kenê û ma soz danê ke ma do pawitişê xo bidomnê. Ma bedêlê giran û qehremanî dayê. Ma do hetanî pêyên girêdayeyê sozê xo bibê û layiqî fedakarîya şehîdan bibê. Heqê tu kesî çin o ke meşruîyetê YPJ’yî ra şik bikero û tu kes nêeşkeno ma ser o qeraran bidê. Ma do qederê xo bi xo dîyar bikerê.”
Badê qiseykerdişî, grûbê Têgêrayîşê Hîlala Zêrîn û Merkezê Baqî Xido bi deyîranê xo û kesê ke beşdarê konseri bîyî zî bi slogananê xo piştî dayê YPJ’yî.
