Kampanyaya “Sêşemê Cezaya Dardekerdişî re Nê” ke hetê girewteyanê Îranî ra ame neqlkerdiş, dîyar kerd ke sereyê aşma gulane ra heta nika 96 girewteyê şaristananê Îran û Rojhelatê Kurdistanî de ameyê dardekerdiş.
Kampanyaya “Sêşemê Cezaya Dardekerdişî rê Nê” ke hetê girewteyanê sîyasî yê ke 38 zîndanê Rojhelatê Kurdîstanî û Îran de ameya destpêkerdiş, hewteyê 68. de dewam kena. Kampanya derheqê dardekerdişî de eşkerayîyêka newe vila kerde.
Eşkerayîye de ame vatiş ke dardekerdiş û dayîşê cezayê dardekerdişî dewam kenê û wina ame vatene: “Aşma gulane ra (2025) heta nika 96 girewteyê zindanê şaristananê Îran û Rojhelatê Kurdîstanî de ameyê dardekerdiş û a hûmare ra yew zî cinî ya.”
Sewbîna ame dîyarkerdiş ke cezaya dardekerdişî di girewteyanê bînan ê sîyasî yê bi nameyê Emîn Ferec Awirgîsawendanî û Îhsan Ferîdî ke wendekarê unîversîteya Tewrêz î, ameya birnayîş. Yeno vatiş ke cezaya dardekerdişî bi îdiaya ‘vera dewlete kerdişê çalakîya çekdarî’ her di girewteyan rê ameya birnayîş.
Eşkerayîye de venga rêxistinanê heqanê merdiman ame kerdiş ke hemverê dardekerdişî de wayîrê helwestî bê.
