‘Fikrê Azadî’ do bibo qada dîjîtale ya xoverdayîşê entelektuel î

‘Fikrê Azadî’ ke 14ê gulane (ewro) de dest bi weşanî bikero, xo sey merkezê dîjîtal ê xoverdayîşê zanyarî û entelektuelî pênase keno.

Vera bêvengîya entelektuel a hemverê krîzanê modernîteya kapîtalîste platformê têkoşînî yê dîjîtal û fikrî yo newe awan beno. Platformê ‘Ozgur Dusunceler’ (Fikrê Azadî) xo sey merkezê dîjîtal ê xoverdayîşê zanyarî û entelektuelî pênase keno. Platform hetêkî ra wazeno zemînanê fikrî yê alternatîfan awan bikero, heto bînî ra zî xo rê keno amanc ke hemkarîye awankerdişê şêweyê zanistî yê fikrî komelî rê bikero.

Weşano bi tirkî û Kurdkî

Platformo ke do bi Kurdkî û tirkî weşan bikero, muhîmîye dano temsîlîyetê zafkulturî û zafziwanî yê têkoşînê entelektuelî. Keyepel beşanê Vîdeoi Podcast, Derheqê Ma De, Heme û Têkîlî ra yeno pê. Nînan hetî de zî hesabanê medyaya dîjîtale yê platformanê Reddit, X (Twîtter), TikTok, Înstagram, Facebook, YouTube û Spotîfyî de zî do tedeyîyî bêrê parekerdene.

Merkezê dîjîtal û xoverdayîşê komelkî

Amancê bingeyîn ê platformî vera krîzanê sîstemî yê ke merdimîye resnaya qîyametî bi berpirsîyarîya entelektuel wariştiş o. Metnê daşinasnayîşî de wina ame vatene: “Kampê mergî, bombaya atomî, şerê pakîya etnîkî, rijnayîşê derûdorî, bêkarîya girseyî, nêweşîyê cîyayî ke her roje xo mojnenê û rewşêka ver bi qiyametî, ma rewşêka winasîne reyde rî bi rî yê. No zî entelektuelî ra cîya nêgîrîyeno dest. Amancê ma tena hemverê şaştî de vindertiş, vatişo rast û bedew û caardişê ey o.”

Kategorîyî ke platformî de ca gênê bale ancenê qadanê xeylê cîya yê bedilnayîşê komelî ser o. Nê kategorîyan ra tayî wina yê:

Abdullah Ocalan
Rejîma Heqîqetê / Rejîmê Heqîqetî
Siyaseta Demokratîk / Sîyaseto Demokratîk
Civaka Dîrokî / Komelo Tarixî
Jin / Cinî
Ekolojî
Rojhilata Navîn / Rojhelato Mîyanên
Ciwan / Ciwanî
Bawerî
Aboriya Komunal
Çand-Huner / Kultur-Huner
Kurdistan / Kurdîstan
Xweparastin / Xopawitiş
Medya-Propaganda

Her kategorî nuqteyêka cîya ya têkoşînê komelkî erjneno.

Amanc: Komelo Demokratîk, Ekolojîk û Azadîpawitişê Cinîyî

Keyepelê ‘Fikrê Azadî’ tena keypelê fikrî nîyo; eyn wextî de qadêka herektî ya. Amanco peyên zî awankerdişê bingeyê agahîyî yê komelbîyayîşî yo ke paştîya xo dano demokrasî, ekolojî û azadîpawitişîya cinî.

Adresê keyepelî ‘Fikrê Azadî / Ozgur Duşunceler’ wina yê:

https://x.com/ozgurrdusun

https://www.tiktok.com/@ozgurdusuncee

https://open.spotify.com/user/31mlv46nggroxxtmiqjuj33bbbiu

https://soundcloud.com/zg-r-d-nceler

https://www.youtube.com/@%C3%96zg%C3%BCrD%C3%BC%C5%9F%C3%BCncee

ozgurdusunceler.com

telegram. : @ozgurdusuncee

facebook : https://www.facebook.com/ozgurrdusunce/

instagram. : https://www.instagram.com/ozgurr.dusun/

ramanên azad

https://open.spotify.com/user/316j7s7q4khw5tueiotai6mvfjd4