Kantonê Reqa de hetkarîya koçberanê Kantonê Efrînî û Şehba de dewam kena
Kantonê Reqa de hetkarîya koçberê Kantonê Efrînî û Şehba ra xebat domîyena, Xalid El Cedû zî verpirsê kampanya yo, hawarnewsî rê qisey kerd û wina vat: “Însîyatîfê ma, sifte seba komkerdişanê laziman yê sey werd, betanî û dermanan o. Na hetkarî tena hetê şarî ra yena dayîş û seba ke ma verê ci îmtihanê winayênî dîyê.”
El Cedûyî wina domna: “Şarê Heleb û Şehba şarê ma yo, keyeyê ma keyeyê înan o, ê bîrayê ma yê û heta ke destê ma ra yeno, ma destê hetkarîye dergê înan bikê, seba ke lazimeya înan bi hetkarîye est a.”
Şarê ucayî derheqê babete de wina vat: “Ma dewa Kesra Efnanî ra pêşwazî şarê ke bi darê zorî ca û warê xo ameyê koçberkerdiş, înan rê hetkarîya werd, cil û berg, doşek û betanî pêşkêş kerdî, seba ke ma heme welatîyê Surîye yê. Cîyayî mabênê ma de çin a.”
