Wendekarê Siwêda rî bi rî tundiya mezhebî ya sîstematîkî yê ke nêverdeno wendişê xo temam bikerê, her wina qiseyê nêbaşî û hêrişê fîzîkî, înan mecbur kerd ke seba tersê cuya xo perwerdeyê xo ra fek veradê.
Şahîdanê ke cayê nijadperestî û nefreti aşkere kenî de, wendekarê Siwêda yê ke zanîngehanê Helebî de wanenî îfade kerd ke ê raştê hêrişanê rêzî yê telûkeyî yê fekî û fîzîkî ameyî.
Wendekar Wail Hisên dejî ke wendekarê Siwêda antî aşkere kerdî û wina va: “Garantîya ewleyî çin a ke bi vera ma wendişê xo temam bikerî. Hêrişê dibareyî û telûkeyî ma rî bi rî tercîhêko mecbûrî de veradayî ke seba pawitişê cuya xo ma wendişê xo feda bikerî, heta ke rewşa ewleyî baş bena.”
Wendekar Hisên waştişê pawitişê ewleyî û hesabpersayîşê kesanê ke destê înan hêrişan de est o kerd, her wina waştişê awankardişê garantîyanê ke nê serebûti nê dibare bibî kerd.
Dejan pê yeno
Wendekarêko bîn zî nêwaşt nameyê xo aşkere bikero, wina va: “Ma wendekarê ciwan û keyneyê Siwêda raştê binpaykerdişanê sîstematîk û xeterinan yenî. Dijî ma, hewldayîşanê meqsedî yê nimitkerdişê nê sûcan û ser o nimnayîşê înan, nijadperestîyêka telûkeyî yena averberdiş. O yew bi rayîrê qedexeyê teqîbkerdişê rewşanê ma û astengîya vera her hewldayîşê qiseykerdişê serê dejan pê yeno. Verba her kesê ke raştîye aşkere bikero gef yenî werdene.”
Wendehkarî dewamê qiseykerdişê xo de vat: “Nê hewldayîşan ma heqanê ma yê tewr asanan ê perwerde û azadîya îfadeyî ra bêheq veradî û bîyî sebebê serdegirewtişê ewleyî, tepişteyîşê bêqeyd û şertan û rî bi rî amayîşê tundîya fîzîkî, psîkolojîk û heta gefê vera ewleyî û aşîtîya ma ya şexsî.”
Serebûtanê peyênan
Hetê bînî ra zî wendekarê Fakulteya Hemşîreyî ya Helebî Leys Nasir zî wina va: “Seba serebûtanê peyênan ma mecbûr mendî ke Helebî ra ber bi şaristanê xo yê Siwêda vejîyê. La ma Hums de ameyî vindertiş û ma mecbûr mendî ke agêrî Helebî ra; seba ke raye nêewleyî ya.”
Rîyê gef û astengîye ser peyxaneyê mezhebî, bi seyan wendekaranê Siwêda û herêmanê peravê nêçare mendî, awanîyanê rakewtişî yê zanîngehê Heleb, Hums, Şamî ra bivejî. La desthilata Şamî û sazîyanê ci bê veng mendî û veradayî perwerdeyê zanîngehî bikewro mîyanê têmîyanîya ewleyîye.”
