Çîgdem Kiliçgun Uçar: “Teyna partîyê sîyasî nê wa pêro komeleyî tewrê nê prosesê sîyasî û komelkî bibê. Çike na mesela teyna sîyasî û huqûqî nîya, komelkî ya zî. No semed ra têleweameyîsê partî û komelan seba çareserîye û aştîye zaf muhîm o.”
Hemsereka DBP’yî ya Pêroyî Çîgdem Kiliçgun Uçare STÊRK TV de beştarê yew bernameyî biye. Vengdayîşê Rayberê Şarê Kurdî Abdullah Ocalanî û fesihkerdişê PKK’yî ra dima Serekê MHP’yî Devlet Bahçelî zî veng da va meclîs de yew qomîsyon seba çareserkerdene awan bibo.
Çîgdem Kiliçgun Uçare no derheq de çi kewno serê milê parlemento û partîyanê sîyasîyan ser qisey kerd û nêzdîbîyayena MHP’yî ya ke wazena na mesela meclîs de bêro çareserkerdene nêzdîbîyayena rinda. DBP zî vazena ke na mesela warê meclîsî de û warê huqûqide bêro çareserkerdene. Wina va: “Seba çareserkerdena mesela Kurdan têyna parlamento de awankerdisê komîsyonî bes nîyo. Teyna partîyê sîyasî nê wa pêro komeleyî tewrê nê prosesê sîyasî û komelkî bibê. Çike na mesela teyna sîyasî û huqûqî nîya, komelkî ya zî. No semed ra têleweameyîsê partî û komelan seba çareserîye û aştîye zaf muhîm o.”
Çîgdem Kiliçgun Uçare vatena Rayber Ocalanî ya ke serê pîya rayera şiyayîş Kurdan û Tirkan ser zî wina vat: Seke Birêz Abdullah Ocalan vano, verde ma wayûbirayîye viraşte û nika kî ma şîkînîme zemînê huqûqî de bêrîme têlewe. Parlamento de na perse rê yew çareserîye virazim.”
