Şaredarîya şaristanê Poggîbonsî ya Îtalyayî bi zafaneyê venganê encumenanê şaredarîye hemwelatîya rûmetî pêşkêşê girewteya sîyasî ya kurde Werîşe Muradî cezaya dardekerdişî aye rê ameya dayene, kerd.
Sereka Şaredarîya Şaristanê Poggibonsî ya Îtalyayî Sozana Cana hesabê xo yê X’î ser o eşkera kerd ke bi zafaneyê venganê encumenanê şaredarî înan hemwelatîya rûmetî pêşkêşê girewteya sîyasî ya kurde Werîşe Muradî kerdo.
Mesajî de ameyo dîyarkerdene ke Werîşe Muradî Hepisxaneyê Evîn yê Îranî de girewte ya, tehlukeya dardekerdişî cuya aye ser o est a û ê babete ser o cigêrayîş kenê.
17ê hezîrana 2024î de Werîşe Muradî hetê Şubeya 15. ya Mehkemaya Şorişî ya Tehranî ra bi qerarê Dadger Ebulqasim Selewatî ra bi îdiaya “endamtîya rêxistine” ameye sucdarkerdene û 10ê teşrîna peyêne ya 2024î de cezaya dardekerdişî aye rê ameye dayene.
