Eşkerayîya çapemenî ke hemverê binpaykerdişê heqan ke Hepisxaneyê Cinîyan ê Şakranî yenê kerdene, venga sazgehanê dewlete ame kerdiş ke wezîfeyê xo bîyarê ca.
Şubeyê Komela Heqanê Merdiman (ÎHD) û Komela Huqûqnasanê Azadîwazan (OHD) yê Îzmîrî hemverê binpaykerdişê heqan ke Hepisxaneyê Cinîyan ê Şakranî de yenê kerdiş, eşkerayîyêka çapemenî daye. Rêxistinê huqûqî û komelê heqanê merdiman ke eşkerayî ra ver şîyî zîyaretê girewteyanê Hepisxaneyê Kampusê Şakranî yê Alîaga dimayê zîyaretî verê hepisxaneyî de ameyî têhet û pankartê bi nuşteyê “Binpaykerdişê heqan û caardişanê keyfî yê hepisxaneyan bivindarnê” akerd.
‘Hepisxaneyê Cinîyan ê Şakranîde binpaykerdişê heqan zêde bîyî’
Ayfer Yildirim dîyar kerd ke tecrîd, îşkence û muameleyê xirabî hepisxaneyanê Tirkîya de bîyê sîstematîk û xeylê binpaykerdişê heqan dewam kenê û va: “Demanê peyênan de semedê muracatê girewteyan û merdimanê înan bi taybetî Hepisxaneyê Cinîyan ê Şakranî de binpaykerdişê heqan zêde bîyî. Demê pêvînayîşê akerde de destûr nêdîyayo ke girewteyî merdimanê xo verar bikerê û hetê îdareyê hepisxaneyî ra cezaya dîsîplînî girewteyî ke merdimê xo verar kerdo, înan rê ameye dayene û ma musayî ke her pêvînayîşî de na rewşe reyna bîya û no sey slogan ameyo qebûlkerdiş. Xebatê ma yê semedê wedaritişê binpaykerdişanê heqan yê hepisxaneyan heta ke biqedîyê, do dewam bikerê û semedê wedaritişê binpaykerdişan do têkoşîn dewam bikero.”
Eşkerayî bi sloganan qedîyaye.
