Goreyê raporê aşma gulane yê Rêxistina Heqanê Merdiman a Îranî tewr kêm 152 kesî ameyê dardekerdene.
Rêxistina Heqanê Merdiman a Îranî (IHRNGO) raporê xo yê aşma gulane weşane. Raporî de ame dîyarkerdene ke tira 5 hebî efgan, 19 belûc, 9 kurdî û 2 erebî tewr kêm 152 kesî ameyê dardekerdene. Rapor de hişyarî ameye kerdene ke hemverê çalakîyanê mumkinan beno ke dardekerdişî vêşî bibê.
Rapor de yeno dîyarkerdene ke 5 aşmanê destpêkê yê serra 2025î de tewr kêm 511 kesî ameyê dardekerdene ke tira 16 hebî cinî û 32ê înan efgan ê. Ame dîyarkerdene ke tena 28 dardekerdiaşn ra tena 28ê hebî ci hetê çimeyanê fermîyan ra ameyê eşkerakerdene.
Raya pêroyî rê vengdayîş
Dîrektorê ÎHRNGO’yî Mahmut Amîry-Moghaddam vat, “Ê ke yenê dardekerdene bi hewayêko adilane nêyenê muhakemekerdene û xeylê reyan beşanê komelî yê tewr qelsan ra yê. Rixmo ke Îran de hûmara vêşe ya dardekerdişan zî komelo mîyanneteweyî vera nê krîzê heqê merdiman nerazîbîyayîşêko xurt nêmojna. Ma Neteweyê Yewbîyayeyî (NY), Yewîya Ewropa (YE) û welatî ke têkîlîyanê xo yê dîplomatîkan Komara Îslamî reyde domnenê, seba protestokerdiş û berzkerdişê hesabpersayîşê dardekerdişan Komara Îslamî wazenê. Eke reaksîyon nêrê mojnayene ma do aşmanê vernîya ma de bibê şahidê bi seyan înfazanê bînan.”
Rapor de derheqê 152 kesan ke ameyê dardekerdene nê agahîyî ca girewtê:
- Tena 15 dardekerdişêi hetê çimeyanê fermî ra ameyê eşkerakerdene.
- 74 kesî bi sucê kiştişî cezaya ‘qesasî’ înan rê ameya dayene.
- Kesanî ke ameyê dardekerdene, 68 kesî riyê sucanê derheqê narkotîkî ameyê dardekerdene.
- 4 kesî riyê sucanê ewlekarî (serewedaritişo çekdarî), fasad-fil-arz (gendelîya erdê ser o), moharebeh (dişmenîya vera Homa) ameyê dardekedene. Înan ra yew bi îdiaya sîxûrî seba Îsraîlî ame sucdarkerdene û înana ra 3 hebî zî bi dizdîya çekdarî ameyê sucdarkerdene.
- 6 kesî bi sucê destdergîye ameyê mehkumkerdene.
- 4 cinî ameyê dardekerdene
- Mîyanê nê kesan de 19ê ci belûc, 9ê ci kurd û 2 hebê ci ereb zî est bî.
- Nê kesan ra yew ke nasnameyê ci ame zanayene, dardekerdişê ci qada pêroyî de ame kerdene.
