Encamê xebata yew serre û nême de Desteya Kulturî ya Rayberîya Xosere ya Demokratîke ya Herêma Vakur û Rojhelatê Sûrîye parka awanîya desteyî ya Reqa de muzexaneya belgekerdişê sucanê DAÎŞ’î akerde.
Goreyê xebera ANHA’yî; rizgarkerdişê Reqa ser o ke 7 serrî vîyartî, muzexaneya “Vîrameyîşî ke nêyenê xovîrrakerdene” sey muzexaneya yewine ya belgekerdişê hîra ya sucanê DAÎŞ’î, şaristano ke ameyêne îdiakerdene ke paytextê înan o, uca de ameye akerdene.
Hemsereka Desteya Kultur û Şûnwaran a Herêma Vakur û Rojhelatê Sûrîye Serfiraz Şerîf derheqê babete de qisey kerd û vat: “Muzexane de 100 heb fotografî ke bi baldarî ameyê weçînayene û bi hezaran belgeyî ke bi zehmetî ameyê vînayene, ca gênê. Nê fotografî derheqê gedeyan bi zorî beşdarkerdişê mîyanê grûbanê çeteyan û perwerdekerdişê înan o meydan de dardekerdişî ser o yê.”
Serfiraz wina dewma kerd: “Vera cinîyan binpaykerdişanê sey mehkumkerdişê perwerdeyî û xebate, binê çekan de bêçarekerdişê înan ê xoradayîşê serepêşan de. Reyna cayanê şûnwarî yê şaristanî ke mîrasê şaristanî yê bi hezaran serran ameyê wêrankerdene.”
‘DAÎŞ’ î rêbazê hovane şuxulnayî’
Serfiraz Şerîf deheqê rêbazanê dardekerdişanê hovane de vat: “Çeteyanê DAÎŞ’î xeylê rêbazê dardekerdişê hovane sey çarmîxkerdiş, veşnayîş û xeniqnayîşî şuxulnayî. Nê rêbazan de sîvîlî qurban bîyêne. Nê Çarxerayîrê Neîm ke bi Çerxerayîrê Cehîm ameyêne naskerdene, ameyêne kerdene. Çeteyê DAÎŞ’î rojêk de 80 sereyê birnayeyî ê çarxerayîrî de aliqnabi.”
Serfiraz dîyar kerd ke kîşte de hacetê birnayîşê yê çeteyanê DAÎŞ’î û hacetê dardekerdişî est ê. Nê qerarnameyan ra ferzkerdişê nimajî, girewtişê dikanan û dardekerdişê kesanê hemveran, bedilnayîşê dibistanan seba dîwananê şerîetî, hewanayîşê meteryalanê perwerdeyî bi manayî ke vera şerîatê îslamîyetî yê est ê.
Peykerê sucanê DAIŞ’î
Peykertiraşan zalimîya DAÎŞ’î bi viraştişê peykeran mojna. Peykertiraşan Çerxerayîrê Cehîm viraşt û ser o 3 sereyî ke cebsînî ra ameyê viraştene û nişaneyê qurbananê dardekerdişî yê, aliqnayî. Kîşte de peykertiraşan peykerê binpaykerdişê vera cinîyan sey peykerê cinîyêka ke bi zincîran ameya girêdayene û peykerêko bîn ke sere ameyo birnayene û dardekerdişê cinîyan nîşan dano, viraşto. Reyna peykerê 10 sereyanî ke nêyenê naskerdene ameyê birnayene, ameyê viraştene û no ano vîrê merdimî ke bi hezaran qurbanî hema heta ewro zî aqûbetê înan nêyeno zanayene, est ê.
