Serdî reyde problemê weşîye zî vejîyenê meydan û nê semedî ra welatijî zî verê xo danê beharatroşan. Yew nêweşîya ke tewr zêde yena vînayîş, girewtişê serdî yo. Hemverê ney de şar; çay û nebatanê xozayîyan tercîh keno
Serdî reyde semedê beharatroşan eleqeyê zêde beno. Şar semedo ke xo nêweşîyanê serdî ra bipawo çayanê nebatan tercîh keno. Eleqeyê semedê beharatroşan ra teber vayîya çayanê organîkan zî bale ancena.
Vayîya ixlamûrî 2 hezar lîra ya
Yew nebata xozayî ke tewr zêde yena tercîhkerdiş şilik a. Vayîye şilike 100 TL ya. Ixlemûrî zî mabêne hezar û 750 û 2 hezar TL’yî de vurîyeno. Beharatroşan dîyar kerd ke ameyîşê zimistanî reyde eleqeyê nebatan zaf zêde beno û rîyê serdî ra nêweşî tewir bi tewir vejîyenê meydan. Merdimî semedê têkoşînê hemverê nê nêweşîyan çayanê nebatan tercîh kenê. Bi têmîyanîya xeylê nebatan çayê zimistanî yenê hadrekerdiş û nê semedê kuxik û enfeksyonî xeylêk baş ê.
Êdî kêmî yenê rotiş
Krîzê ekonomî ke her wareyê cuye ser o tesîr kerdo, beharatroşan ser o zî tesîr kerdo. Nebatê xoza ke verê bi poşetan ameyêne girewtiş, nika bi graman yenê girewtiş. Goreyê agahîyanê ke ma beharatroşan ra girewtî, derman û şifayê nêweşîyê serdî, nebat ê. Tarçin, zencefîl, havlican, qerenfîl, îsoto sîya, pîya bêrê girênayîş, semedê şewbî xeylêk baş ê û dejî rê derman ê.
