Vejîya orte ke Goristanê dewa Pîrejmanî yê Pîranî hetê artêşê Tirkî ra reyna ameyo rijnayene.
Goristanê endamanê PKK’yî yê dewa Pîrejmanî yê qezaya Pîrana Amedî hetê leşkeranê artêşê tirkî ra ameyo rijnayene. Goristano ke serra 2014î de amebi awankerdene, goreyê agahîyanê ke çimeyanê herême dayê; goristanî de 42 mezelê endamanê PKK’yî yê ke demanê cîyayan de cuya xo vîndî kerda, est ê. Goristan reya ewil serra 2016î de zî leşkeran bi makîneyanê karî ameyo rijnayene.
Goristan de hendî ameyê şiknayene û dêsê mezelan zî ameyê herimnayene. Reyna awanîyê sey camî, cayê vindertişê merdiman, mitbax û tuwaletî ameyê rijnayene. Pirdo ke mabênê awanîyan û mezelan de yo zî ameyo rijnayene.
Goreyê agahîyanê ke çimeyanê herême dayê hema zî herême ser o qedexe est ê û no 8 serrî yo tu kes nêeşkayo şêro derûdorê goristanî.
Serra 2026î ra heta nika bi desan goristanê ke endamê PKK, HPG, YPG û YPJ’yî tede nimite yê, hetê leşker û polîsan ra ameyê rijnayene û xeylê mezelî ameyê şiknayene.
