Rojê Tiyatroyî yê Gedeyan ê Gêrayoxî yê 2. ke hetê Şaredarîya Amedî ya Şaristanê Girdî ra 13 qezayan de ameybî organîzekerdene û bi hezaran gedeyî beşdar bîyê, bi performansanê jonglor û tîyatroyî qezaya Farqînî de qedîyayî.
Rojê Tiyatroyî yê Gedeyan ê Gêrayoxî yê 2. ke seba gedeyanê qeza û taxî ke nêeşkenê xo biresnê çalakîyanê kultur û hunerî, hetê Tîyatroyê Şaristanî yê Şaredarîya Amedî ya Şaristanê Girdî (DBŞT) ameybî organîzekerdene, 20ê hezîrane de bi akerdişê xo yê Merkezê Cuya Hempare ya Sumerparkî dest pêkerd. Rojê Tiyatroyî yê Gedeyan ê Gêrayoxî yê 2. 6 rojan 13 qezayan de bi hezaran gedeyî ardê têhet.
Eynê rojî de hîrê qezayanê cîyayan de bi beşdarîya şaredarîyanê qezayan, gedeyan ma û pîyê xo reyde bi beşdarbîyayîşê çalakîyan û temaşekerdişê tîyatroyî keyf kerd.
Rojê Tiyatroyî yê Gedeyan ê Gêrayoxî bi çalakîyanê qezaya Farqînî qedîyayî. Meydanê Şaristanî yo merkezê qeza de yo, performansê koma jongler ê Maskeya Şîn û kayê bi nameyê Daristanê Ma yo ke hetê Tîyatroyê Ba ra amebi kaykerdene, eleqeyêka pîle dîye.
