Çalakîya ‘Nobeta Azadîye’ ya ke bi waştişê azadîya Rayberê Şarê Kurdî Abdullah Ocalanî 25ê hezîrana 2012î de Strasbourg de dîyabî destpêkerdene, kewte serra 14.
Çalakîya ‘Nobeta Azadîye’ ya ke bi waştişê azadîya Rayberê Şarê Kurdî Abdullah Ocalanî 25ê hezîrana 2012î de Strasbourg de dîyabî destpêkerdene, kewte serra 14.
Nobete verê dezgehanê sey Konseyê Ewropa, Mehkemaya Heqanê Merdiman a Ewropa, Komîteya Vergirewtişê Îşkenceyî û Parlamentoyê Ewropa de yena kerdene. Heta nika bi hezaran Kurdîstanijî tewrê na nobete bîyî.
Çalakîya nobete kena ke têkoşînê şarê kurdî bêro dîyene û tedaya raya pêroyî bikera ke mesuldarîyanê xo bîyara ca.
Çalakî hewt rojanê hewteyî de bêmabên dewam kena. Îdarekaranê çalakî ra Zulfu Bîngolî îfade kerd ke çalakî do bi qerardarî dewam bikera û vat: “Azadîya Rayber Apoyî amancê ma yo esas o. Rayber Apo îradeyê şarê kurdî yo. Heta ke îradeyê ci azad nêbo şarê kurdî zî do azad nêbo.”
Hewteyo 680. de Nobeta Azadîye hetê endamanê Merkezê Komelê Demokratîkî yê Kurdan ê Bernî ra ameye dewrgirewtene. Çalakîkerê nê hewteyî Dilovan Sogûn, Metîn Mîntaş û Mehmet Leblebîcî yê.
