Endama Koordînasyonê PAJK’î Ayten Dêrsim û Endama Konseya Rayberdişî ya KJK’yî Çîgdem Dogu îfade kerd ke muhîm o ke cinîyî yewîya komunanê xo awan bikerê, bi nê hewayî hem cuye awan bikerê hem zî xo bipawê.
Endama Koordînasyonê PAJK’î Ayten Dêrsim û Endama Konseya Rayberdişî ya KJK’yî Çîgdem Dogu Medya Haber TV’yî rê qalê têkoşînê sosyalîzm û cinîyan kerd.
Qiseykerdişê nînan ra qismêk wina yo:
Ayten: “Şexsê embaze Zîlane de ez embazanê ma Sema, Gulan, Helmet, Raperîn, Bêrîvane û pêro şehîdan yad kena. Ma soz danê ke têkoşînê înan ê seba cuya azade bidomnê.”
Çîgdem: “Kurdîstan de polîtîkayê “bêkurdkerdişî, bêwelatkerdişî” yenê kerdene. Kurdîstan yeno talankerdene, her ca de awbendî est ê, darî birîyenê. Tena bi qiseyê ‘Ez kurd a la…’ nêbeno. Ganî merdim wayîrê welatê xo vejîyo. Şehîdanê ma vera nê “bêmanakerdişî” têkoşîn kerd. Embaze Zîlane, Şêx Seîd û embazanê înan vera polîtîkayanê dişmenî vatibi ‘ney.’ Vera înkar û îmha têkoşîn muhîm o. Embaze Zîlane, Gulane, Sema û şehîdanê ma yê bînan verê nê têkoşînî akerd.”
Ayten: “Partîya ma hişmendîya sosyalîzmo reel ser o ronîyabî. Têkoşînê sosyalîzmî cuya komunale ra derbaz beno. Cuya sosyalîste wayîrê fikrê azadîye ya. Mesele afernayîşê hişmendî û rêxistinîye yo. Sosyalîzm eynê wextî de rêxistinî ya. Tena fikrêk nîyo. Ganî no fikir bêro rêxistinkerdene. Rayber Apo bi xo tim sey sosyalîst ciwîya. Ey qetî dewlete ra çîyêk nêpawit û paradkîgmaya Sîstemo Konfederal ê Demokratîkî awan kerd. Sosyalîzm komelkîbîyayîş, komunbîyayîş o. Cuya komelkî seba her beşî muhîm a. Ganî cinîyî zî cuya xo ya komelkî bi yewîya xo awan bikerê. Cinîyî ganî bi rayîrê nê komunan xo bipawê. Bi taybetî vera şîdetê camêrdan û dewlete.”
Çîgdeme: “Proses prosesêko muhîm o. Erjnayîşê ma yo serê têkoşînê sosyalîzmî têkoşîno komunal o. Ganî ma bizanê ke prosesêkê tarîxî de tena seyr nêkerê, tewrê prosesî bibê. Ganî têgêrayîşê cinîyan hem Kurdîstan de hem zî Tirkîya de pîya têkoşîn bikerê. No do têkoşînê komelê demokratîk û aştîye pîlêr bikero, geş bikero. Hêzê cinîyan pîl o. Ganî cinîyî bi hawayêko rêxistinkerde têbigêrê.”
