Çalakîkera Efganî Julya Parsî neql kerd ke Talîban bi tecawîzkerdişî tehdît cinîyanê tepişteyan rê keno û va: “Talîban wazeno bi tehdîd û îşkencekerdişê tepişteyanê cinîyan, vengê çalakîkeranê cinîyan bêveng bikero.”
Çalakgera heqê cinîyan Julya Parsî ke hetê Talîbanî ra tepişte ya, derheqê şert û mercê cinîyanê tepişteyan ê ke binê destê Talîbanî de yê, eşkerayîyêke vila kerd.
Goreyê xebera jinnewsî Julya Parsî neql kerd ke zîndananê Talîbanî de bi şîdet yenê îşkencekerdiş, bi tepiştiş û tacîzkerdişê keyeyê înan, cinîyê tepişteyî yenê tehdîtkerdiş ke yew îşkenceyo tewr zêde ke zîndananê Talîbanî de yeno kerdiş. Çalakger Julya Parsî îşkenceyê fîzîkî ser û psîkolojî ke ci rê ameyo kerdiş ser wina va: “Demê destbendkerdişê mi de, mi tehdîd kerdî ke kênayanê mi bitepişnê û tecawuz înan rê bikerê. Bi şokê elektrîkî îşkence bi mi kerdî.”
Julya Parsî dîyar kerd ke Talîban wazeno bi tehdîd û îşkencekerdişê tepişteyanê cinîyan, vengê çalakîkeranê cinîyan bêveng bikero. Erjê vatişî yo ke serra 2022ine de çalakîkera heqê cinîyan Julya Parsî bajarê Kabulî yê Efganistanî de hetê hêzê Talîbanî ra destbend bî û 3 aşmî amî tepiştiş. Julya Parsî yew çalakîkera ke hemverê kerdox û sîyasetê Talîbanî yê welatî nêrazîbîyayîş mojnena ya.
