Mehkema derheqê rojnameger Mehmet Uçaro ke aşma teşrîna verêne ya 2024î ra girewte yo, qerarê tehlîyeyî da.
Roniştişo ewilîn ê dewaya rojnameger Mehmet Uçaro ke bi îdiaya “endamtîya rêxistine” amebi girewtene, Mehkemaya Cezayanê Giranan a Batmanî ya 2. de ame kerdene. Mehmet Uçar bi rayîrê Sîstemê Veng û Vîdeoyî (SEGBÎS) Hepisxaneyê Eskîşehîrî ke tede girewteyo, beşdarê roniştişî bi. Avûkatê Uçarî zî amade bîyê. Pawitişê Uçar û avûkatê ey, heyetê mehkema derheqê Uçar de qerarê tehlîyeyî da.
Mehmet Uçar aşma teşrîna verêne ya 2024î ra girewteyo û roniştişo ewilîn de veradîya. Uçar encamê gerreyê îtîrafkerêkî de amebi girewtene.
