Endam û rayberê MEBYA-DER’î seba merasîmê gerîlayanê PKK’yî taqîb bikerê, awanîya xo ya Peyasî de kom bîyê.
Rayberê Şarê Kurdî Abdullah Ocalanî 9ê temmuze de 26 serran ra pey eşkerayîyêka bi vîdeo daye. Eşkerayîya Abdullah Ocalanî ya tarîxî Kurdîstan û dinya de gulbang da. Partîya Karkeranê Kurdîstanî (PKK) zî seba ke cewab da Rayberê Şarê Kurdî Abdullah Ocalanî do Silêmanî de bi grûbêka gerîla ya Grûba Aştî û Komelê Demokratîkî çekanê xo biveşno.
Vakurê Kurdîstanî de zî merasîmê PKK’yî bi girseyî do bêro temaşekerdene. Xeylê kesê ke mîyanê înan de keyeyê gerîlayanê PKK’yî û rayberê Komela Yewîye Kultur Piştgirî û Hetkarîya Kesanê ke Merdimê Xo Dergûşa Şaristanîye de Vîndî Kerdê (MEBYA-DER) reyde awanîya komele de kom bîyê. Keyeyê ke awanî de kom bîyê, bi heyecan paweyê merasîmî yê.
