Verê dewaya Rifat Ronîyê ke Hemserekê verên yê MED-DER’î yo, vera Dadgeha Amed de beyanatê çapemenîye ame dayene. MED-DER û Enstîtuya Kurdî ya Amedî pîya beyanat da û rêxistinê sîyasî û sivîlî zî paştîye daye ci. Şarî pankartê “Ziwanê ma nasnameyê ma yo, xebatê Kurdkî suc nîyê” berz kerd.
Îdarkerê MED-DER’î Eyup Aydenizî qisey kerd û va ke operasyonê ke benê, hêrîşê ziwan, edebîyat û kulturê Kurdan ê û waşt ke Ronî bêro verdayene. Mehmet Asanayî zî nuşte wend û va ke hukmatî yew hetî ra vanê ma qedexeyê kurdkî wedarnê, la yew hetî ra zî tepiştiş û zulm dewam keno. Asanayî va ke ‘ê wazenê xebatê ziwanê Kurdkî krimînalîze bikerê la ziwan nasnameyê ma yo.’
Hemsereka DBP ya Amedî Sultan Yaraye zî qisey kerd û va ke ‘şarê Kurdî ser o nê zextî tecrîdê Îmralî ra xoser nîyê.’
Badê beyanatê çapemenîye şarî şî ke dewa goşdarî bikerê.
