Fîlozofo marksîst yo îrlandayîjî John Hollowayî paştî daye Vengdayîşê Aştî û Komelê Demokratîkî yê Rayberê Şarê Kurdî Abdullah Ocalanî û merasîmê veşnayîşê çekan. Ey vat: “Mi rê rûmetêko pîl o ke ez paştî dana prosesê aştî.”
Fîlozofo marksîst yo îrlandayîjî John Hollowayî bi mesajêk paştî daye Vengdayîşê Aştî û Komelê Demokratîkî yê Rayberê Şarê Kurdî Abdullah Ocalanî û merasîmê veşnayîşê çekan ê gerîlayan.
Ey mesajê xo de wina vat: “Seba mi rûmetêko pîl o ke ez tewrê vengê paştîdayîşanê prosesê aştî bena. Her gamêka Têgêrayîşê Azadîye yê Kurdan aver beno, tena destkewteyêkê kurdan ney pêro merdiman rê hêvî yo.
Kapîtalîzmî ra ver ganî ma dinyayêka cîya ya xurte awan bikerê. Coka ez zerrî û canî ra paştî dana ronayîşê çekan. Çekî seba kişîyayîşî virazîyenê û kişîyayîş înkarkerdişê rûmetê merdiman o. Seba vurnayîşê dinya, ganî pêro têkilîyê bi awanîyanê îqtîdarî bêrê redkerdene. Çend zor û zehmet bibo zî ganî ma nê ferasetî bişiknê.
Seba aştî, seba azadîya Ocalanî, seba averşîyayîşê Têgêrayîşê Azadîye yê Kurdan û ma pêroyînan heya, heya, heya.”
