Şaredarîya Amedî ya Şaristanê Girdî, taxanê dewan de Şayîyê Gedeyan ê Dewan ke do 20 rojî dewam bikerê, dana destpêkerdene.
Serekîya Daîreya Xebatanê Kultur û Sosyalan, seba ke gedeyî tetîlê hamnanî de wextêko xweş vîyarnê, programê “Şayîya Gedeyan ê Dewan” hazir kerd ke atolyeyanê hûner-kulturî û pêşkêşîyanê tîyatroyî gêno xo mîyan. Aktîvîteyê ke 23ê Temmuze de do dest pêbikê, tede gedeyê ke taxanê dewan de ciwîyenê, do bi atolyeyanê resim-muzîkî û pêşkêşîyanê tîyatroyî bêrê têhet.
Aktîvîteya yewine Kemika de do dest pêbikero
Aktîvîteyê ke 20 cayan de do bêrê organîzekerdene, ya yewine 23ê Temmuze de Taxa Aqbilaxî ya girêdayeya Qezaya Pasûrî de do bêro organîzekerdene. 24-25ê Temmuze de Girêmorî û Qamişlî yê girêdayeyê Pasûrî de; Qezaya Erxenî de 28ê Temmuze de PîrAhmedî de, 30ê Temmuze de Qeleş de, 1ê Tebaxe de Zimex de, 3ê Tebaxe de Barbin de, 4ê Tebaxe de Încexidir de, 5ê Tebaxe de Salmanî de; Qezaya Hêni de 6ê Tebaxe de Çeman de, 7ê Tebaxe de Cewze de; Qezaya Licê de 8ê Tebaxe de Goma Elî Keya de; Qezaya Bismilî de 9ê Tebaxe de Embarê de, 10ê Tebaxe de Çeltîklî de, 11ê Tebaxe de Hecîya Kurda de, 12ê Tebaxe de Çawişlî de; Qezaya Çinarî de 13ê Tebaxe de Cobînî de, 14ê Tebaxe de taxanê Herberê û Qilva de aktîvîteyî do bêrê viraştene.
Aktîvîteyo ke 29ê Temmuze de merkezê Qezaya Sûrî de do bêro organîzekerdene, 16ê Tebaxe de merkezê Qezaya Lîceyî de bi atolye û pêşkêşîyanê tîyatroyî do biqedîyo.
