Qezaya Qilebanê ke bi kananê madenan ameyo dorpêçkerdene, riyê toz û dumanê madenan û xerckerdişê madenan bêçare yê. Dewijê dewa Şiwête Sabrî Kaya îfade kerd ke ê seba kananê madenan perîşan biyê û waşt ke înan rê çareserîyêk bivînî.
Talanê xozaya Şirnexî bi birnayîşê daran, kananê madenan û cigêrayîşê petrolî rojeve de yo. Hetêk ra birîyayîşê daran û hetê bînî ra zî bi kananê madenan xozzaya herême yena wêrankerdene. Şirnex û qezayê ci mîyanê dorpêçê madenanê komir, kevîr, xîz û kerreyan de yê. Qezayanê tewr kehenan ra yewe ke kanê madenan tede ameyo akerdene, qezaya Qileban a Şirnexî ya. Qezaya Qilebanî de bi desan kananê madenan sey komir, kerre, zerd, bor, zîv, lîtyum, ax û hesin ameyo akerdene. Îhaleyê nê madenan zî hetê şîrketanê bi nameyê Acar, Ozdaglar, Sîhan, Evrensel û Aksû ra ameyo girewtene. Hetê nê şîrketan ra xozaya Qilebanî yena talankerdene.
‘Derûdorê dewe kananê komir û madenan reyde ameyo dorpêçkerdene’
Qezaya Qilebanê ke bi kananê madenan ameya dorpêçkerdene, tesîrê xo tewr zêde dewan ser o keno. Qilebana ke welatijê qezayî zafane miqatkerdişê heywanan û ramitişî reyde debara xo kenê, seba ke erdê înan hetê şîrketan ra ameyê îşxalkerdene, nêeşkenê ramitişî bikerê û riyê toz û dumanê kananê madenan zî cayê înan ameyê dorpêçkerdene. Dewa Şiwêt ke derûdorê dewa ke bi kananê komir û madenan ameya dorpêçkerdene, kananê madenî ra tewr zaf tesîr bena.
