Emîne Ocak şîye heqîya xo

Sembolanê Mayanê Şemeyî ra Emîne Ocak şîye heqîya xo.

Sembolanê Mayanê Şemeyî ra Emîne Ocak dinyaya xo bedilnaye. Emîne Ocak seba ke aqîbetê lajê xo Hasan Ocako ke 1995î de amebi destbendkerdene bimusa, têkoşînê edaletî dayene.

Emîne Ocak krîzê qelbî vîyartbi û aşmêk ra nata nêweşxane de tedawî dîyêne. Mayanê Şemeyî keyepelê xo ser o pare kerd ke a merda.

Mayanê Şemeyî vat: “Emîne Ocaka ke dinyaya xo bedilnaya a bi cesaret, qerardarî û îsrar têkoşînê ma yê raştî û edaletî de vengo tewr bihêz biye. Ma do dima agahîyanê merasîmê cenaza ser o pare bikerê.”