Îsmaîl Agaç (90) ke têkoşînê azadîye de 3 domanê ci şehîd bîyî, vizêrî şand Nêweşxaneyê Dewlete yê Ceyhanî de şi heqîya xo. Cenazeya Agaçî ewro Neweyî yê Ceyhanî de do bêra definkerdene.
Îsmaîl Agaç ke têkoşînê azadîye de 3 domanê şehîd bîyî û 90 serrî bî, vizêrî şand Nêweşxaneyê Dewlete yê Ceyhanî de şi heqîya xo. Cenazeya Agaçî ewro badê nimajê nêmrojî Goristanê Neweyî yê Ceyhanî de do bêra definkerdene.
Agaç prosesê têkoşînî yê serranê dergan de keyeyê xo reyde bedêlê giranî dayî. Bi taybetî demê Hîlvanî de xebatan de ca girewt û kombîyayîşanê şaran de berpirsîyarîyêka aktîf girewt.
Agaç, Wêranşar û Ceyhan de demanê cîyayan de ame destbendkerdene û îşkence dî, la gamêk zî têkoşînê xo ra peyser nêeşte. Prosesê darbeya leşkerî ya 12 gulane de cinîya xo reyde rayîrê zîndanan de derdê giranî dîyî.
Hîrê lajê Agaçî demanê cîyayan de şehîd bîyî: Mehmet Agaç 1980î de xeta Hilwan-Siwêregi de, Ahmet Agaç 1993î de Wêranşar de, Hasan Agaç zî 1997î de qirkerdişê Hewlêrî de şehîd bî.
