Îdrîs Cuma yo ke Serêkanîye de şîranî viraştêne, ewro karê xo şaristanê Amûd de domneno. Şîranê ke virazeno, şar kêfweş beno.
Îdrîs Cuma yo ke şaristanê Serêkanîye ra yo serra 1999î de dest bi viraştişê şîrînîyan kerdo. Badê hêrişanê dewleta Tirkîye û çeteyanê ê yê serê şaristanê ey (2019) Îdrîs Cuma bi keyeyê xo mecbur mendo ke keye û cayê debarê xo ca bido. Demeyêk Riqqa û Qamişlo de mend, ewro zî şaristanê Amûd de yo.
Îdrîs Cuma serra 2022î de sûka şaristanê Amûdî de yew dikanê qijî yê viraştişê şîrînan akerdo ke nameyê Serêkanîye ey sero nayo. Îdrîs bi hacetanê qijan û îradeyê xo yo hîrayî reyna karê xo ganî keno, dikanê xo de mamûnîye û gêmer virazeno.
Îdrîs Cuma derheqê karê xo de ajansê ANHA’yî rê qisey kerd û wina va: “Dikanê mi domnayîşê nasnameyê şaristanê ey Serêkanîye yo. Şîrînayannê ke viraşto tamê hardê ke ey ra ameyo koçberkerdiş hîşneno. Şarê Amûdî her tim mi rê vano, xo zî demeyêk derg ra nata ti ma mîyan de bîyêne, n tahm reseno ma rê. Şarê ewtayî karê mi ra kêfweş o.”
Cuma karê viraştişê şîrînan hetê babîyê xo ra girewto û tayê datîzayê ey zî nê karî kenî. Cuma dikanê xo de mamûnîye ke bi eslê xo çandê Helebî ra yo, danayo ver. Her wina gêmer zî viraşto ke serra 2002î de yew hostayê Helebî ra musayo. Remezan de zaf cînayanê bînanê şîrînan viraşto ke hetê şarî ra hes beno.
Îdrîs Cuma no mesaj da koçberan: “Karê xo ra fek meverê, destpêkêko newe biavejê. Ma koçber eger xo ra bawer bîbê, ma eşkenî her çî bivirazî.”
Cuma yo ke hîna zerrê ey seba şaristanê ey Serêkanîye vedeno, henî peynîya qiseykerdişê xo arde: “Zerrê ma hîna uca de yo, ma wazenî agerî û sey verê dikananê xo welatê xo de biakerî.”
