Postaxaneyê Sûrî ke destpêk de sey banê borsayî xizmet dayêne, wextî reyde sey darpxane û banê xizmetî yê erkânê dewlete ameye gurenayene. Dima vurîya sey banê postexaneyî yo verên ê Amedî, sehneyê tarîxî de cayê xo girewt û bi cayo zerrî resenê yewbînan.
Kokê Postaxaneyê Sûrî ke serranê verênan ê demê Komare de ameya viraştene, zaf xorîn şono. Na avayîye ke destpêk de sey banê borsayî xizmet dayêne, wextî reyde sey darpxane û banê xizmetî yê erkânê dewlete ameye gurenayene. La, goreyê ruh û hewcedarîyanê dewrî xo vurîna û sey banê postexaneyî yo verên ê Amedî, sehneyê tarîxî de cayê xo girewt û bi cayo zerrî resenê yewbînan.
Postaxaneyê Sûrî ke mehlaya Balikçilarbaşî de, cîranê Minaraya Çarlingî de ca gêno, tenya yew avayîye nîyo, eynî wext de abîdeyêko ke hîkayeyanê vîyarteyî qal keno. No ban, ke cayanê muhîman ê şaristanî ra yew o, heyatê rojaneyî yê şarê Amedî rê şekil dayene dewam keno. No mekano ke bi şopanê vîyarteyî pirr o, ewro zî meymananê xo rêxistîya tarîxî de gêrayneno.
Postexaneyê Balikçilarbaşî, tenya tarîxêko ke mîyanê sîyan de mendo nîyo, eynî wext de parçeyêko mîrasê kulturî yê Amedî yo. Bi na mana, sey pirdê ke vîyarte û ameyoxî bestneno yewbînan, pay ra mendo û mêvananê xo resneno tarîxî.
