Hemsereka Partîya Herêman a Demokratîke (DBP) Çîgdem Kiliçgun Uçare “Gerek dejê êzidîyan bi destê komelê mîyanneteweyî bêro parekerdene û çîyo ke ame înan ser, zê jenosîd bêro naskerdene.”
Qirkerdişê Şingalî yo ke şarê êzidîyan tira vanê Fermanê 74. yo ke hetê DAÎŞ’î ra amebi kerdene 11 serrî xo pey de ver dayî. Hemsereka Partîya Herêman a Demokratîke (DBP) Çîgdem Kiliçgun Uçare bi wesîleya Fermanê 3yê Tebaxa 2014î hesabê Xî yê DBP’yî de eşkerayîyê dê.
Eşkerayîye wina ya:
“Vera sarê êzidî 11 serran raver qirkerdiso qilêrin virazîya. No qirkerdis seba pêro dinya û mordemîye şermêde girs bî.
Saro êzidîyo ke ruyê îtîqat û kamîya xo ra raştê zulm û zordestîye ame, caro xoverdayîsê xo ra fek vera nêda. Xususî cinîyanê êzidîyan têkoşîno rûmetdar kerd.
Gerek dejê êzidîyan bi destê komelê mîyanneteweyî bêro parekerdene û çîyo ke ame înan ser, zê jenosîd bêro naskerdene. Ez pêro canê ke kişîyayî bi rêzdarîye an xo vîrî û têkoşînê cinîyanê êzidîyan zerrî ra silam kon.”
