Serekê Meclîsî Numan Kurtulmuş kombîyayîşê komîsyonî ra ver koordînatoranê partîyanê sîyasî reyde ame têhet.
Serekê Meclîsî Numan Kurtulmuş kombîyayîşê ewil ê komîsyonî ra ver ke Meclîs de bi amancê çareserkerdişê meseleyê kurdî ameyo awankerdene, koordînatoranê partîyanê sîyasî reyde ame têhet.
Kurtulmuş Serekwekîla Grûba Partîya Têduştî û Demokrasîyî ya Şaran (DEM Partî) Gulistan Kiliç Koçyîgît, Cagirê Serekê Pêroyî yê MHP’yî Fetî Yildiz, Serekwekîlê AKP’yî Abdulhamît Gul, Serekwekîlê Grûba Partîya Yenî Yolî Bulent Kaya û Serekwekîlê Grûba CHP’yî Murat Emîr reyde Meclîs de kom bi.
Yeno zanayene ke kombîyayîşî de derheqê kombîyayîşî sibayî ke do komîsyon bikero û detayê ci do bêrê nîqaşkerdene.
